1841: Francesco D’Amelio, il caldo e la ” Preghera a Santu Ronzu…”

1 of 5

Una bella via, nel cuore della Lecce antica, è intitolata alla figura di Francesco Antonio D’Amelio, il caposcuola della poesia in vernacolo leccese.

Nato il 10 agosto 1775 e scomparso il 29 luglio 1861, fu il primo a tentare in vernacolo l’esperimento di una satira dolce e mai volgare.

Non riuscì mai a riunire tutti i suoi versi e a farne un’edizione completa. Una sola volta, nel 1832, raccolse alcune delle sue “Puesei” in un piccolo volume per dedicarle a Carlo Ungaro, Duca di Monteiasi, all’epoca potente Intendente della Provincia di Terra d’Otranto.

Voleva ricavarne un impiego stabile che gli consentisse finalmente di superare le mille angustie economiche.

Le sue “Puesei a lingua leccese” furono molto amate e conservano intatto il loro fascino, offrendo spaccati di vita quotidiana intrisi di struggente ironia. Grazie a quel successo, il D’Amelio fu reintegrato nella pubblica amministrazione e quasi sessantenne venne nominato segretario del Consiglio di Intendenza.

Una delle sue poesie più intense fu pubblicata inedita, nel 1884, sul Don Ortensio, periodico satirico leccese dal raro fascino.

Era un’accorata preghiera rivolta a Sant’Oronzo per liberare la città dalla morsa del caldo in quel 1841.

Vale la pena rievocarla.

Preghera a Santu Ronzu pe lu cautu ccessiu de st’annu 1841

Uh ce fuecu !…. Quai se dduma! ….
Ardu! ….Brusciu, e nu regettu.
La camisa me sta fuma,
Fete tutta de bruschettu
E la carne sula sula
Comu lardu me sta scula.

Mueru ! …Jutu ! …l’aria ferve,
Bulle l’acqua de lu mare:
Sù seccate tutte l’erve;
E de coste alle lacquare
Se su stise a cocchie, a cocchie
Ddelessate le ranocchie.

Stae lu cane an terra stisu
Cu la lingua tutta fore:
Nu mantenese cchiu tisu
Arde tuttu de cuatore;
E sta bie quandu rrefiata
N’aria ferseta e quagghiata.

Bandunati imu li lietti,
Ca tuccanduli te brusci:
De la seggia a du te ssietti,
Tocca prestu te nde fusci;
Percè è cauta de manera
Ca ssemigghia a na brascera.

Nzomma, nzomma, notte e giurnu,
A du uieti, a du te giri,
Sia ca stai a mmienzu a nu furnu
Dhu nu ssienti ca suspiri,
E segnutti de dulore
Ci te spezzanu lu core.

Prutettore de stu lecu
Santu miu meraculusu
Ca cce foi? Ce foi? Stu fuecu
Nu lu uardi de dda susu,
Cu lu pighi, e cu lu stuti;
O ni uei tutti rustuti ?

T’ai scurdatu ca cchiù fiate
N’ai scanzati de la peste;
Ca ste mure l’ai sarvate
De li turbeni, e tempeste;
Emediante lu tou jutu,
Mai nu furmene è cadutu?

Se mai Diu cu nui è sdegnatu
Pe le curpe tante, e tante;
Ah ! tu rendilu pracatu
Cu le toi palore Sante,
Comu ai fattu pe la peste,
Pe li turbeni, e tempeste.

O se mai (quistu è pensieri
Ci allu coccalu m’è natu)
De lu Sule lu Cucchieri
Lu Calessu ha mmertecatu;
O aisse pe la fretta
Ruddulatu de cascetta.

Se è sta cosa, tie rrepara
Prutettore benedittu;
Tu lu ssetta, tu le mpara
Cu camina sempre rittu
Pe la ntica ncarratura,
Cu nu bruscia la Natura;

Ane Ronzu: cumpiatisci
Se te danu tantu mpicciu;
A lu Sule suggerisci
Cu se pighia lu Si Ciucciu, (a)
Ca cussine è ben servutu
E lu mundu nu è rrustutu.

Ahi ! ce dicu ! sti pensieri
Sù pensieri strammalati;
Nu n’è Sule, e nè Cucchieri,
Su le curpe, e li peccati;
E bè picca quantu Diu
Ni sta manda pe castiu.

Ma lu Santu Pritettore
Ci nu cuepri cu lu mantu,
Tu ddessarma lu Signore
Cu na lagrema de chiantu;
Ca na lagrema de zelu
Praca l’ira de lu Celu.

E frattantu pe toa grazia
Spudda tutti li canali,
Ed a linea pruesoria
Mmodda tutti li murtali,
Ca se lleanu d’ogne lecu
Sta gran patena de fuecu

—–
( a) Lu Cucchieri de lu Signore Ntendente